相信2024年DSE考生係中文卷上面迎接最大嘅難題就係試卷上面嘅改動。除咗冇pass paper操，更加對考評局嘅出題方向毫無頭緒。為咗同學可以應對新嘅試卷，小編會喺下面同同學講解2024年DSE同往年唔同嘅地方，而且會教同學一啲溫書Tips。
Table of Contents
1，卷一（閱讀卷）
往年閱讀卷甲部，淨係有12篇指定範文。今年再加8篇建議篇章，一共20篇範文。
12篇指定範文：
《論語：論仁、論孝、論君子》孔子編纂
《魚我所欲也》孟子
《師說》韓愈
《勸學》荀子
《岳陽樓記》范仲淹
《六國論》蘇洵
《出師表》諸葛亮
《始得西山宴遊記》柳宗元
唐詩三首
《月下獨酌》李白
《山居秋暝》王維
《登樓》杜甫
宋詞三首
《聲聲慢．秋情》李清照
《念奴嬌．赤壁懷古》蘇軾
《青玉案．元夕》辛棄疾
《逍遙遊》莊子
《廉頗藺相如列傳》司馬遷
8篇建議篇章：
《國風．關雎》詩經
《曹劌論戰》佚名
《禮記・大學》
《陳情表》李密
《飲酒．其五（結廬在人境）》陶淵明
《滿井遊記》袁宏道
《左忠毅公軼事》方苞
元曲兩首
《四塊玉．閒適（南畝耕）》關漢卿
《沉醉東風‧漁火詞》白樸
要考好卷一甲部，最主要係理解晒所有文章嘅意思。比起背誦成篇文章嘅譯文，更加重要嘅係理解文章表面同深層意思。例如某啲詞語會成日出現喺文言文裏面，理解經常出現嘅字詞可以令你喺做甲部嘅時候更加容易攞分，同時可以更加容易估到後面文言文閱讀理解部份嘅意思。而深層意思就係指定篇章想帶嚟嘅訊息，亦都係文章主旨。
2，卷二（寫作卷）
2024年中文DSE卷二結合左往年卷二同卷三，除咗卷二本身嘅命題寫作之外，增添左實用文寫作。
甲部實用文寫作佔30%分數，乙部命題寫作佔70%分數。甲部類似往年卷三，會提供閲讀材料，需要同學整合並着重與見解論證部分。卷二設有字數要求500-550字，希望同學可以係一定字數內寫最多嘅內容，而唔係再係諗到咩就寫咩。
同學如果想操實用文寫作可以參照往年中文卷三見解論證部分，分別要有現況（引言）、論點一、論點二、結論。引言可以引用資料，闡述現況，指出問題。記得論點需要合理、精準且簡潔，切忌冗長。至於結論則可以指出論證帶嚟對短期同長遠嘅影響。
新嘅改動可能會令同學係温書上面更加迷茫，好難有温書嘅方向。但其實考核範圍都係換湯唔換藥，方式一樣。同學只需要要背多啲詞解，指定篇章主旨同操多啲作文，相信大家可以跨越難關，係考試中奪星！
