識學等唔等於識教？
我有個朋友，上堂無乜專心聽書，成日傾計，但又鍾意做數。傾計得來又做得曬Classwork，仲係啱曬嗰種。
“你點做到的，又唔聽書但又做到嘢？”我成日問佢。
“我聽到D重點，跟住用Classwork嚟Check個方法啱唔啱。我懶得背嘢，所以呢種自己思考嘅方法對我更有用。”佢認真答道，“當然可能係我聰明Lmao。”佢一D都唔認真。
當我仲Struggle緊點處理如此多變嘅數學問法，又Rate of Change又Tangent of curve，佢總係可以快我幾步解曬下面嘅進階題目。
“明重點明Concept就得，使乜係咁練？”佢咁講。
但係佢發現呢種學習方法唔係適用於所有人、所有科目。對科目無興趣嘅人，需要你去死背嘅科目，清Concept就只係虛無縹緲、紙上談兵嘅方法。係幫人補習之後更加深刻地認知到呢個問題。
“乘嘅話，個Index係相加，除嘅就減，好似調返轉咁…”佢想像唔到點解佢需要解釋呢D，尤其係個學生牛皮燈籠嘅時候。平時教同學都只係需要簡略講解題重點就Get到，但係學生就需要教好多細節，好多基本嘢。
呢D經驗比咗佢挫敗感，尤其係當佢明白到，知識嘅傳授係需要耐心和溝通技巧。有時，能力強嘅學生未必能夠成為好老師，因為他們可能難以理解其他人點解無得即刻掌握某些概念。我個朋友就係一個典型例子。
有一次，佢解緊條數，忍唔住對學生嗌“你唔明白係因為你唔夠專心，你根本唔明呢個係咩意思!” 他明顯Feel到教學嘅困難同挫敗。佢一直覺得解釋知識點係件簡單嘅事，直至佢真正企係老師嘅位置上，先發覺事情遠非如此。
係數次嘗試教導後，佢先逐漸明白到，教學並不只是關於知識嘅傳遞，仲有如何適應唔同學生嘅學習節奏同能力。佢學識如何更有耐心，更具創意咁解釋概念，並且試圖從學生嘅角度去理解佢地嘅困惑。
“其實教學真係令人長知識，”他後來咁講。“雖然有時候真係好挫敗，但每次當學生終於明白個陣，我都會覺得非常滿足。”
識學同識教真係兩碼子事。有能力並不等於可以有效地傳授知識。而一個好嘅老師，不僅要有深厚嘅知識底蘊，更要有能夠引導同激勵學生嘅技巧。
