隨著文憑試成績即將於2023年7月19號公布，相信唔少DSE考生都緊張自己成績，以及唸緊點揀嗰20個Jupas課程。但係，選擇大學課程嘅考量點止成績？以下會同你介紹大學揀科嘅其他考量，比大家資料再考慮如何排個Jupas Choice。
1。DSE成績
成績基本上係你離開考場之後就知道自己大概落喺咩Grade，心水清嘅同學已經可以唸定如何揀最有效，最有機會入到嘅心儀科目。
20個Choice（依據優先次序）包含ABCDE組，分別有33455個位，而其實最重要嘅選擇係A同E組。放榜前，A組可以擺能力範圍內啱啱夠最低標準嘅科目，以及要面試嘅課程。大學就會係DSE前後同你安排面試，比你加分嘅機會。放榜後，A組最好要擺兩科夠Lower Quartile，一科夠Median嘅科目，保底都可以入到大學。BCD組嘅反而無咁重要，係依自己興趣、科目成績來排滿佢，係放榜後調次序嘅後備之選。而E組就建議排返副學士或者資助課程，比你繞過DSE成績嘅阻撓，用多幾年時間銜接大學嘅學士課程。最近口碑唔錯嘅HKU SPACE CC號稱可以讀多兩年入神科，同學都可以再留意、諮詢下。本文都係講返揀科嘅大方向，就不多贅述啦。
2。未來職業規劃
仲記唔記得中三選科時嘅初衷？依家要再來一次！無論你是否已經對未來嘅職業有所想法，依家係時候正視並好好規劃自己嘅未來，並將其作為選科嘅參考根據。唔少學校以及會議展覽中心都有時會舉辦職業博覽Career Expo，即使同學可能會感到有D沉悶，但參加呢D活動仍然係了解唔同職業嘅不二選擇，有時甚至可以啟發你對某個行業嘅熱情。
同時，職業博覽提供咗同社會人士交流的機會，同學可以同佢地討論修讀嘅課程、專業領域嘅優勢同挑戰、經驗同見解。獲得唔同角度嘅觀點，可以更全面咁了解各個大學課程嘅特點同適合自己嘅方向。
因此，無論你對未來嘅職業有否明確的目標，或者仲搵緊適合自己嘅職業方向，參加職業博覽都是一個十分有意義嘅活動，可以幫助你確立選科嘅方向，仲可能成為你大學生涯嘅重要啟蒙。
3。實習機會
想係畢業之後即刻有荀工，或者係一份優渥嘅薪水？咁一定唔可以Miss咗實習機會。部分院校為學生提供同大公司合作嘅實習機會，例如三大會有公司到學校擺Booth收Intern實習生，令大學生係學習嘅同時可以提前獲得社會經驗。學生可以提早接觸職場，建立人際網絡，更可以係畢業後獲得更多嘅就業機會同前景。
另外，選擇同學科相同性質嘅工作可以順便學習大學課程內容，不僅鞏固自己的知識，仲可以更好咁理解理論應用同實踐操作嘅關聯、分別。同學可以將所學應用到實際工作，同時獲得專業指導以及即時反饋，對職業發展、修讀課程起到相輔相成嘅推動作用。
4。多元學習
入到大學想有U life，記得唔好齋讀書，搵下有興趣嘅學會都好緊要！Explore下各大院校有咩學會或者選修Course玩，除咗放鬆身心外，仲可以識多D人，拓展人際關係。識Friend一齊玩先自最開心！我自己想入劍道部玩下，試下未做過嘅新體驗。
講到識Friend又點可以唔講交流生計劃？大學通常有機會比你到其他國家嘅大學做交換生，用一個學期了解其他國家嘅文化同拓展國際視野，見多識廣嘅經驗係現今全球化社會都非常有價值。
總結
除咗以上建議，亦希望同學仔可以有更多渠道尋找更多資訊，例如搵下來自各院校嘅同學獲得親身經驗，或者上網爬文睇片了解更多。放榜前都可以睇下各大學有無Online Consultation可以直接向大學Professor資訊。最後，祝願各位同學可以考到心儀科目，直上A1 Subject！
Jupas聯招課程是香港大學聯合招生系統（Joint University Programmes Admissions System）提供的大學課程。Jupas聯招讓香港的大學申請者可以透過一個中心化的系統申請香港8間提供資助的大學以及香港演藝學院的全日制課程。申請人可以根據自己的文憑試成績、課外活動、面試表現等報讀最多20個課程組合。Jupas聯招課程涵蓋各個學科，包括商學、文學、教育、工程、醫學等。申請人應根據自己的興趣和專長仔細選擇課程組合。
