依家嘅你有無上英文堂吃力，寫文、綜合總係Kick住Kick住？咁呢D都可能係你唔熟悉英文簡單字詞嘅高級用法！考試唔想Kick住寫，就要學口語英文，係流利英文嘅耳濡目染下增潤自己嘅詞庫。睇片，睇Show就係你嘅得力助手，除咗學到唔同職業或者情境下嘅專有名詞，亦可以學到各種修辭手法同英文成語Idioms點用，以及佢地嘅變體。
1。法
法律系嘅專有名詞同辯論手法係DSE入面最有用嘅部分，不論係英文作文、綜合、LS/CS、各解釋性嘅理科題目，甚至係中文嘅答題框架都可以應用其中嘅論證思路，而且有關法律嘅劇集涉獵範圍都好廣，唔同範疇嘅企業都會係劇中出現，包保你學到一堆新Vocab！
Suits
精彩嘅戲劇元素，寫實嘅法律程序，無論角色係庭外庭內都演繹得十分出色。同時可以學到係工作場所適用以及辯論嘅英文，契合日用英文，助你營造專業形象嘅不二之選。
DareDevil
日頭作為律師助人，夜晚蒙面去惡懲奸！以DareDevil嘅雙重身份作為核心，描述同樣保護紐約市街頭但用唔同方式助人嘅道德困境同內心衝突。同時學習紐約街頭英文、俚語等，用native English speaker嘅角色活用英文。
Better Call Saul
作為《絕命毒師》前傳，刻劃Jimmy McGill從初出茅廬嘅打工律師如何成長變成靠巧計遊走法律邊緣。用主角面對各種來自家庭、友情嘅挑戰，用細膩嘅方式呈現法律界嘅陰暗面同現實。主角油腔滑調又字字珠璣嘅詭辯技巧絕對有助學習用英文語句嘅邏輯能力。
2。理
理科系嘅片相對多D解釋性嘅內容，以及同樣多樣嘅專有名詞，令你學到如何精確、有邏輯性咁表達Idea，增強理解同口語，表達能力。
Cunk on Earth
主持人Philomena Cunk用諷刺、搞笑嘅風格帶觀眾遊走世界，即使係沉悶嘅世界史都用生動嘅方式比觀眾歡笑中學習。其中隱喻同幽默嘅英文表達方式以及雙關語令你寫故事性或者詼諧風格嘅文章時都有出色表現。
Rick and Morty
科幻主題嘅動畫帶你腦洞大開，用傳送槍帶：你穿梭宇宙！毒舌嘅Rick不時係刺激嘅冒險入面打破第四面牆去諷刺時弊，放蕩嘅風格可以俾你更貼近同了解現今外國社會、文化現象。了解文化可以話係學本地英文嘅基礎。
3。情
講到睇Show又點可以唔睇“Drama Queen”？情感類型嘅劇集教你如何生動表達自己，或者令你留意到唔同情緒各自嘅言語表達，相信可以係Argumentative Essay入面情理並用，加強說服力。
Breaking Bad
故事圍繞一位化學老師因為癌症而孤注一擲轉行制毒，並制霸一方嘅經歷。故事講述新墨西哥州，從而有唔同社會背景嘅人講唔同嘅口音同口語表達方式。劇中亦有唔少涉及犯罪同情感表達嘅詞彙，要想同角色塑造一樣刻骨銘心咁表達情緒就不容錯過！
The Office
呢部喜劇劇集以偽紀錄片嘅形式，講述一間紙品公司嘅日常。劇中語言風格生動實在，充滿各種商業同辦公室相關嘅英語詞彙，是理解同學習商業英語的絕佳選擇。劇中角色充滿幽默感嘅口語表達同日常交流，從中學到真實嘅英文對話模式同諷刺表達。最重要嘅係可以了解多D西方嘅辦公室文化。
4。喜劇
Stand-up comedy站立喜劇或者Talk Show主打同觀眾嘅有趣互動，係你會心一笑嘅同時學習如何順暢咁講出有趣嘅故事，寫Short Story嘅同學千祈唔好錯過！
Bo Burnham
來自《我的隔離日記》中《Welcome to the Internet》
Bo Burnham嘅喜劇演出總會係意想不到嘅位放出Punchline，又能歌載舞，同時係歌詞入面穿插對社會嘅抨擊。係疫情期間，佢係Netflix出咗《我的隔離日記》，入面大部分都係自彈自唱流行話題，可謂係才子一個！
當然，喜劇又點只一個Comedian？相信只要係Youtube搵下就有好多其他優秀作品，就唔一一介紹啦。
5。文學
講起文學就唔一定係詩歌、散文嘅，經典嘅作品都可以比我地了解舊時嘅社會風貌，以及透過對比古今來揣摩文化、語言發展
Sherlock Holmes
由Benedict Cumberbatch飾演嘅Sherlock Holmes帶你進入經典小說世界。精煉、富有詩意嘅對白，更以純正嘅英國腔講出，係推理嘅同時滲入複雜卻生動嘅劇情，欣賞英文文學之美。
6。壓軸：英國文學資源網站
講到文學，唔知有讀英文文學嘅同學仔覺得網上真係好少資源？如果你搵緊一個緊貼DSE嘅文學資源網，咁呢個網站幫到你！
hkdse_englit (https://hkdseenglit.wixsite.com/hkdse-englit)
DSE英文科目是香港中學文憑試中的一科，評估學生的英文能力。要在DSE英文科中獲得高分，學生需要增加對英文的接觸，例如觀看更多的英文影視作品。網站「hkdse_englit」提供豐富的英文文學資源，包括各種類型的英文影視作品介紹，例如法律、科幻、喜劇等，這些都可以提升學生的英語聽說能力。該網站還提供大量DSE英文科過去的試題，有助於學生熟悉考試題型，做好準備。充分利用網上資源將成為DSE英文科考生的好助手。
無論係DSE嘅Past paper、Marking Scheme、試題庫，或者係想提升下自己嘅文化修養嘅電影、戲劇、詩歌，網站都應有盡有。即使係為咗寥寥幾百位考生嘅科目，網站都係用心製作，仲可以inbox任何疑問，對文學有興趣嘅都可以咨詢。
想為文學打好基礎同預早練習，就善用資源網溫書啦！
